Трамп Куба мурдагы Венесуэла өкмөтүнө «коопсуздук кызматтарын» көрсөтүп келгенин белгилеп, эми бул колдоо токтогонун айтты. Анын айтымында, Венесуэла «бандиттер жана талапкерлердин» коргоосуна муктаж эмес, анткени эми анын коопсуздугун америкалык армия камсыздайт.
«Май да, акча да Кубага дагы келбейт — нөл! Аларга кеч болуп калбай туруп келишим түзүүнү сунуштайм», — деп жазды Трамп Truth Social платформасында.
Жооп катары Кубанын Тышкы иштер министрлиги өлкө эч качан коопсуздук кызматтары үчүн акча же материалдык ресурстар алган эмес деп билдирди. Кубанын Тышкы иштер министри Бруно Родригес Паррилья, АКШдан айырмаланып, өлкө наемниктер менен шантаж менен алектенбестигин белгилеп, «адилеттик жана мыйзам Кубанын тарабына» экенин, ал эми АКШнын аракеттери «криминалдык» болуп, дүйнөгө коркунуч туудураарын кошумчалады.
Кубанын президенти Мигель Диас-Канель 66 жылдан бери өлкө АКШнын агрессиясына кабыл болуп жатканын белгиледи. Ал Куба эркин, көз карандысыз жана суверен мамлекет болуп, тыштан келген көрсөтмөлөргө баш ийбестигин айтты. «Куба башка өлкөлөргө кол салбайт, бирок 66 жылдан бери АКШнын кол салууларынан азап чегип келет. Биз мекенибизди акыркы кан тамчысына чейин коргоого даярбыз», — деп жазды Диас-Канель Х социалдык тармагында.
Венесуэла президенти Николас Мадуро жана анын жубайы Силия Флорес январь айынын башында туткунга алынгандан кийин Трамп Кубага карата коркунучтарды да билдирип, анын абалы «абдан оор» экенин айтып, Колумбия президентини наркотик өндүрүүдө айыптады. Андан кийин ал Куба «жиптин учунда» жана «чоң кыйынчылыкта» экенин кайталады. Куба бийликтери Каракаста АКШнын операциясы учурунда 32 кубиналык жоокер жана чалгынчы өлгөнүн билдиришти.
