Президенттин айтымында, АКШнын коопсуздугун камсыздоо үчүн аймакты ижарага алуу эмес, аны менчиктештирүү маанилүү. "Тек гана жерге ээ болуп, биз аны коргой алабыз. Ижара мындай мүмкүнчүлүктү бербейт. Коргоо менчикке гана тиешелүү... Биз Гренландияны коргоого алууга тийишпиз", - деп билдирди ал.
Геополитикалык кырдаал тууралуу сүйлөп жатып, Трамп АКШнын Россия же Кытай менен коңшулугуна жол бербестигин баса белгиледи. "Биз Гренландия боюнча аракеттерди жасоого ниеттенип жатабыз, алардын каалоосунан көз каранды эмес, болбосо аралдын көзөмөлүн Россия же Кытай алышы мүмкүн", - деди ал.
Мурда Трамп Гренландиянын АКШнын бир бөлүгү болушу керектигин бир нече жолу көтөргөн, анын "эркин дүйнөнү" коргоодогу стратегиялык маанисин баса белгилеп.
Бул боюнча Гренландиянын мурдагы премьер-министри Муте Эгеде аралдын сатууга жатпаганын жана эч качан аукционго коюлбай турганын баса белгиледи. Трамп мурда Гренландияны көзөмөлгө алуу үчүн күч колдонуу мүмкүнчүлүгү тууралуу да билдирген.
1953-жылга чейин Гренландия Даниянын колониясы болуп, азыр Дат королдугунун бир бөлүгү, бирок 2009-жылдан бери олуттуу автономияга жана ички саясат боюнча өз алдынча башкаруу укугуна ээ.
