«Гренландия бизге чындап эле керек, ал биздин коргообуз үчүн өтө маанилүү», — деп Трампты басылма цитата кылды. Ал ошондой эле Венесуэла АКШнын кийлигишүүсүнө дуушар боло турган жалгыз өлкө болбой калышы мүмкүн экенин белгиледи.
Трамп өз билдирүүсүндө жаңы венесуэлалык лидер Делси Родригесди да эске алуудан качпады, ага: «Эгер ал туура иш кылбаса, жогорку баа төлөөгө туура келет, балким, Мадуродон да жогору» деп коркутту.
Дания болсо Трамптын Гренландияга болгон коркутууларына каршы нааразычылык билдирди. Премьер-министр Метте Фредериксен «АКШ королдуктун кандайдыр бир аймактарын аннексиялоого укугу жок» деп белгиледи.
Эсиңиздерге сала кетсек, Трамп мурда Канада жана Гренландия Америкага бөлүнүп берилүүсү керек экенин айткан. Мындан тышкары, ал Панама каналына болгон көзөмөлдү кайтаруу ниетин билдирген, бул болсо аталган өлкөлөрдүн бийликтери тарабынан терс реакцияга алып келген.
Гренландия, нефть жана газ сыяктуу бай табигый ресурстарга ээ болуп, Даниянын финансылык колдоосуна экономикалык жактан көз каранды бойдон калууда.
