Иран өкмөтү «АКШ жана Израилге каршы күрөш» учурунда курман болгондорду эскерүү үчүн үч күндүк аза күтүү мезгилин жарыялады. Расмий билдирүүлөрдө бийлик, нааразычылык акцияларын күч менен таратуунун натыйжасында 38 укук коргоо кызматкери каза болгонун маалымдады, деп жазат Khaleej Times.
Ирандын мамлекеттик телеканалы: «АКШ жана сионисттик режимге каршы улуттук күрөш учурунда курман болгондордун урматына өкмөт үч күндүк аза күтүү жарыялайт» деп билдирди.
Мамлекет башчысы Масуд Пезешкиан, зордук-зомбулукту айыптап, жарандарды улуттук күрөш маршына катышууга чакырды. Ал бунтчуларга өлкөнү талкалоого жол бербестигин белгилеп, АКШ жана Израилди массалык нааразычылыктарды уюштургандыгы үчүн айыптады.
Ирандагы нааразычылык акциялары 2025-жылдын декабрь айында улуттук валютанын кулашы жана баалардын кескин жогорулашы фонуна каршы башталган. Акциянын катышуучулары саясий режимди алмаштырууну жана 1979-жылы кулатылган шахтын уулу Реза Пехлевини бийликке кайтарууну талап кылышууда. HRANA укук коргоо уюмунун маалыматына ылайык, нааразычылык акцияларынын башынан бери кеминде 538 адам каза болду, алардын 48и коопсуздук күчтөрүнүн кызматкерлери. Мындан тышкары, 10,6 миңден ашык адам камакка алынды жана интернет үч күндөн ашык өчүрүлдү.
