Иранда бир нече күндөн бери экономикалык абалдын кескин начарлашына байланыштуу массалык нааразылык акциялары уланууда. Нааразылыктар борбор Тегерандан тышкары, Исфахан жана Шираз сыяктуу ири шаарларды да камтыды.
Адамдардын көчөгө чыгышына негизги себептер улуттук валютанын баасынын төмөндөшү, азык-түлүк жана биринчи керектелүүчү товарлардын баасынын жогорулашы, ошондой эле жогорку инфляция болду. Демонстрацияларга катышуучулар социалдык-экономикалык талаптарды койсо, айрым шаарларда саясий ураандар да угулууда.
Чет өлкөлүк маалымат каражаттарынын маалыматына ылайык, айрым аймактарда нааразылыктар укук коргоо органдары менен кагылышууга айланып кеткен. Жаракат алган жана каза болгон адамдар тууралуу маалыматтар бар, ондогон адамдар кармалды. Бийлик коопсуздук чараларын күчөттү, интернет жана социалдык тармактарды колдонууга чектөөлөр байкалууда.
Ирандын расмий өкүлдөрү кырдаалды көзөмөлдөп жатканын айтып, башаламандык үчүн «сырттан кийлигик кылуу» жоопкерчилигин жүктөшүүдө.
