Анын маалыматына ылайык, 2 миллиард 749 миллион сом 1 075 фермерге «Айыл Банк» ААКсы аркылуу берилсе, 923 фермер 1 миллиард 938 миллион сомду «Элдик Банк» ААКсы аркылуу алышкан. Бул каражаттар мамлекеттик жеңил кредит берүү программаларынын алкагында бөлүнгөн.
Берилген кредиттер агроөнөржай комплексин өнүктүрүүгө, анын ичинде «Агроөнөржайды каржылоо – 13» долбооруна, айыл чарба техникаларын лизингге берүүгө, асыл тукум мал чарбасын жана уруктандырууну өнүктүрүүгө, ошондой эле газификацияга жана «Социалдык контракт» программасынын алкагында пайызсыз кредит берүүгө багытталган.
2026-жылдагы жазгы талаа иштерине даярдык көрүү үчүн Министрлер кабинети бир нече мамлекеттик долбоорлорду ишке киргизет, алардын арасында «ФСХ-14», «КАПК», «ФОТП-2», асыл тукум жана уруктандыруу чарбаларын өнүктүрүү программалары, Чүй облусунда жана Бишкекте эт кластерин түзүү, ошондой эле суу үнөмдөөчү технологияларды киргизүү боюнча демилгелер бар.
Региондо ошондой эле эл аралык уюмдардын ар кандай долбоорлору ишке ашырылууда. Алардын катарына климаттын өзгөрүшүнө туруктуу кошумча нарк чынжырларын түзүү боюнча Азия өнүктүрүү банкынын демилгелери, агро азык-түлүк кластерлерин өнүктүрүүгө жана жайыт коомдоруна колдоо көрсөтүүгө багытталган Дүйнөлүк банктын долбоорлору, ошондой эле түшүмдү жыйноодон кийинки башкарууну жакшыртууга багытталган KOICA долбоору кирет.
Чүй облусунда 191 кайра иштетүүчү өнөр жай ишканасы, үч соода-логистикалык борбор, 35 жашылча жана жемиш сактоочу жай, ошондой эле 20 союу пункту иштеп жатат.
