Суу ресурстары, айыл чарба жана кайра иштетүү өнөр жайы боюнча биринчи орун басары Жаныбек Керималиев ирригациялык объектилердин абалы, ошондой эле урук, минералдык тыңайткычтар жана күйүүчү-майлоочу материалдар менен камсыздоо боюнча отчетун сунуштады. Ал пландалган бардык иш-чаралар белгиленген графикке ылайык өтүп жатканын белгиледи.
Талкуунун жүрүшүндө депутат Гулсункан Жунушалиева Нарын облусунун Кочкор жана Жумгаль райондорундагы ирригациялык объектилердин даярдыгы жана курулушу боюнча суроолорду берди, ошондой эле айыл чарба өндүрүүчүлөр үчүн жеңилдетилген кредит берүү шарттарына токтолду.
Депутат Ырысбек Атажанов күйүүчү-майлоочу материалдар жана минералдык тыңайткычтар менен камсыздоо маселелерине, ошондой эле Баткен облусунун Кадамжай районундагы айыл чарба өндүрүүчүлөр үчүн жеңилдетилген кредиттерге көңүл бурду. Өз кезегинде, депутат Рустамбек уулу Советбек Ноокат районундагы калкты сугат суу менен камсыздоо жана ирригациялык объектилерди реабилитациялоо боюнча маанилүү маселелерди көтөрдү.
