24-январда Ош шаарында Кыргызстан боюнча дзюдо чемпионатынын ачылыш аземи өттү, деп билдирет КРдин Физикалык тарбия жана спорт боюнча мамлекеттик агенттиги.
Агенттиктин маалыматына ылайык, Физикалык тарбия жана спорт боюнча мамлекеттик агенттиктин директору Казыбек Молдажиев расмий бөлүгүн ачып, мындай мелдештердин улуттук курама командасын түзүү жана өлкөдө дзюдону өнүктүрүү үчүн маанилүүлүгүн белгиледи.
Ачылыш аземине КР президентинин Ош облусундагы ыйгарым укуктуу өкүлү Аманкан Кенжебаев, Ош шаарынын вице-мэри Нурлан Закиров, КРнын Дзюдо боюнча улуттук федерациясынын президенти Куванычбек Конгантиев, ошондой эле спортчулар, машыктыруучулар жана көрүүчүлөр катышты.
Аялдар арасында мелдештер 48, 52, 57, 63, 70, 78 кг жана 78 кг жогору салмак категорияларында өтүп, эркектер 60, 66, 73, 81, 90, 100 кг жана 100 кг жогору категорияларында атаандашып жатышат.
«Турнирдин максаты — дзюдо боюнча курама командага талапкерлерди тандоо, жаштар арасында достукту бекемдөө, жаштарды физикалык тарбия жана спортко тартуу, ошондой эле балбандардын чеберчилигин жогорулатуу», - деп айтылат билдирүүдө. ```
