Министрдин айтымында, Кыргызстандын экономикасы акыркы төрт жылда туруктуу өсүштү көрсөтүп жатат, ал эми акыркы үч жылда ИДПнын орточо жылдык өсүү темпи 9,8 пайызды түздү. 2025-жылы экономикалык активдүүлүк жогорку деңгээлде калды: биринчи 11 айда реалдуу ИДПнын өсүшү рекорддук 10,2 пайызга жетти.
2024-жылы Кыргызстан реалдуу ИДПнын эң жогорку өсүш темптери бар үч өлкөнүн катарына кирди, ал эми 2025-жылы өлкөнүн суверендик кредиттик рейтинги «B+» деңгээлине жогорулады.
«Бул бардык маалыматтар өлкөнүн экономикасы туруктуу жана сапаттуу өнүгүүгө багытталганын көрсөтүп турат. Бизде ишенимдүү финансылык негиз, туруктуу өсүү темптери жана келечекке ишеним бар», — деп белгиледи Сыдыков.
Министр ошондой эле 2026-жылы иштин приоритеттүү багыттары төмөнкүлөр болорун тактады:
- өнөр жай секторун өнүктүрүү үчүн жагымдуу шарттарды түзүү жана колдоо;
- инвесторлор жана ишкерлер үчүн позитивдүү ички чөйрөнү түзүү;
- сырткы экономикалык ишмердүүлүктө көп полярдуулукту илгерилетүү;
- фискалдык реформаны ишке ашыруу;
- экологиялык туруктуулукту бекемдөө жана климаттын глобалдык өзгөрүүлөрүнө адаптациялоо.
