Бул тармак жалпы өнөр жай өндүрүшүндө эң чоң үлүштү ээлеп, 79,7% түзөт. Физикалык көлөмдүн индекси 2024-жылга салыштырганда 109,8% га өстү.
Экономика министрлиги көрсөткүчтөрдүн жогорулашы фармацевтикалык өндүрүштүн 1,7 эсе өскөндүгү менен байланыштуу экенин билдирет. Бул өсүш тармакты колдоо боюнча мамлекеттик саясатты, импортту алмаштырууну, ошондой эле жаңы өндүрүш кубаттарын модернизациялоо жана этап-этабы менен киргизүүнү ишке ашыруунун натыйжасында мүмкүн болду.
Мындан тышкары, Бишкекте «100 өнөр жай ишканасы – 2025» инициативасынын алкагында дары-дармек өндүрүшү башталды. Ошондой эле, учурдагы өндүрүүчүлөрдүн ишмердүүлүгү кеңейип, Кара-Балтада заманбап фармацевтикалык комплекстин түзүлүшү максатында ири инвестициялык долбоор ишке ашырылууда, ал жандандыруучу дары-дармектерди чыгарууну камсыздайт.
