Кыргызстанга жумушчу визит менен Тажикстандын премьер-министри Кохир Расулзода келди. Премьер-министрдин орун басары жана Кыргызстандын суу ресурстары, айыл чарба жана кайра иштетүү өнөр жайы министри Бакыт Торобаев аны «Манас» эл аралык аэропортунда кабыл алды.
Визит учурунда Кохир Расулзода Бишкекте өтө турган Кыргызстан жана Тажикстан өкмөттөр аралык кеңешинин биринчи жыйынына катышат.
Жыйынды өткөрүү боюнча бир нече маанилүү документтерге кол коюу пландалууда. Мындан тышкары, эки өлкөнүн өкмөт башчылары борбордогу инфраструктуралык объекттерди да кыдырып чыгышы күтүлүүдө. ```
