Кыргыз Республикасынын Мамлекеттик салык кызматынын коллегиясынын жыйынында сыйлыктарды тапшыруу аземи өттү. Анда өкмөт башчы жана президенттин администрациясынын жетекчиси Адылбек Касымалиев Кыргыз Республикасынын президентинин атынан «Салык Күзөт» автоматташтырылган салыктык анализ системасын түзүүгө катышкан адистерге ыраазычылык каттарын тапшырды. Мамлекет башчысынын ыраазычылык каттары төмөнкү адистерге алардын финансылык-экономикалык потенциалды өнүктүрүүгө кошкон маанилүү салымы үчүн тапшырылды:
– Качкынбай уулу Шамшыбек, Мамлекеттик салык кызматынын «Салык Сервис» мамлекеттик мекемесинин директору;
– Мамадалиев Бек Жумадилович, Мамлекеттик салык кызматынын аналитикалык иштер башкармалыгынын начальниги;
– Үсөнов Адилет Жаныбекович, көз карандысыз тышкы эксперт.
Ошондой эле, өлкөнүн финансылык-экономикалык потенциалын өнүктүрүүгө жана «Салык Күзөт» системасын иштеп чыгууга кошкон маанилүү салымы үчүн Кыргыз Республикасынын Өкмөтүнүн ыраазычылык грамоталары төмөнкү кызматкерлерге тапшырылды:
– Бөрүбеков Алмаз Калматович, Мамлекеттик салык кызматынын аналитикалык иштер башкармалыгынын тармактык аналитика бөлүмүнүн начальниги;
– Сапаров Мирбек Тилекович, Мамлекеттик салык кызматынын аналитикалык иштер башкармалыгынын системалык аналитика бөлүмүнүн начальниги;
– Адильгириев Талгат Шамильевич, Мамлекеттик салык кызматынын «Салык Сервис» мамлекеттик мекемесинин программалык камсыздоо бөлүмүнүн башкы программисти;
– Александров Дмитрий Вадимович, Мамлекеттик салык кызматынын «Салык Сервис» мамлекеттик мекемесинин программалык камсыздоо бөлүмүнүн жетекчи программисти.
«Салык Күзөт» системасы аналитикалык иштердин натыйжалуулугун жогорулатууга, салык администрирлөөсүнүн ачыктыгын камсыз кылууга жана башкаруунун сапатын жакшыртууга багытталган. ```
