ТИМдин маалымат кызматы билдиргендей, жолугушууга Улуттук банктын төрагасы М.Ж. Тургунбаев, Кыргыз Республикасынын каржы министринин орун басары Ү.М. Аманбаев жана Кыргыз Республикасынын экономика жана соода министринин орун басары М.К. Туманов да катышты.
Кеңешмеде катышуучулар инфраструктураны модернизациялоого, экономикалык туруктуулукту жакшыртууга жана жарандардын жашоо деңгээлин жогорулатууга багытталган долбоорлорду биргелешип ишке ашырууга көңүл бурушту.
Гидроэлектр станцияларын куруу, транспорт жана логистика инфраструктурасын өнүктүрүү, суу камсыздоо системаларын калыбына келтирүү маселелерине өзгөчө көңүл бөлүндү.
Маттео Патроне Кыргызстандагы экономикалык өсүүнүн оң динамикасын белгилеп, ЕБРРдин өнөктөштүктү тереңдетүүгө жана пландалган долбоорлорду ишке ашырууга катышууга даярдыгын билдирди.
