Жаңы эрежелерге ылайык, финансылык кепилдиктин өлчөмү 5 000 доллардан 15 000 долларга чейин өзгөрүп турат жана ал консулдук кызматкер тарабынан маектешүү учурунда аныкталат. Арзып жаткан адамдарга I-352 формасын АКШнын Ички коопсуздук министрлигинен консулдук кызматкердин көрсөтмөсү боюнча гана берүү керек жана кепилдик шарттарына макулдугун АКШнын Каржы министрлигинин Pay.gov онлайн платформасы аркылуу тастыктоосу талап кылынат.
Министрлик бир нече негизги учурларга көңүл бурат:
— финансылык кепилдикти киргизүү виза алуу гарантиясын бербейт;
— иммиграциялык статусунун өзгөрүшү же уруксат берилген убакыттын ашып кетиши учурда кепилдик кайтарылбайт;
— жаңы эрежелер өзгөртүүлөр күчүнө киргенден кийин берилген арыздарга гана тиешелүү.
Финансылык кепилдикти киргизип, виза алган жарандар АКШга кирүү жана чыгуу үчүн белгиленген өткөрмө пункттары аркылуу гана өтүшү керек:
— Бостондогу Логан эл аралык аэропорту (BOS);
— Нью-Йорктогу Джон Ф. Кеннеди атындагы эл аралык аэропорт (JFK);
— Вашингтондогу Даллес атындагы эл аралык аэропорт (IAD).
Белгиленген талаптарды бузуу кирүүгө же чыгууга туура эмес документтерди алууга алып келиши мүмкүн.
Бул тизмеге бир нече өлкөнүн киргизилишинен улам, ошол мамлекеттердин жарандарында виза режимин бузуу деңгээли жогору болуп жатканы байкалууда.
Ошондуктан Кыргыз Республикасынын Тышкы иштер министрлиги АКШга сапар пландап жаткан жарандарга жаңы виза талаптары менен алдын ала таанышып, визаларды алуу шарттарына так ылайык келүүнү жана кабыл алуу өлкөсүнүн виза жана миграция мыйзамдарын сактоону катуу сунуштайт.
