Иш-чарада борбордун мэриясынын өкүлдөрү, мэр Айбек Джунушалиев баштаган топ катышты.
Депутаттар заводдогу процесстер менен таанышып, калдыктарды кабыл алуу, сорттоо жана күйгүзүү, ошондой эле электр энергиясын өндүрүү жана автоматташтырылган башкаруу системалары тууралуу маалымат алышты. Заводдун кызматкерлери өздөрүнүн техникалык мүмкүнчүлүктөрү жана экологиялык нормаларды сактоо боюнча кенен маалымат беришти.
Мэр Айбек Джунушалиев учурда завод күнүнө болжол менен 1000 тонна катуу калдыктарды кайра иштетип, 30 кВт.ч электр энергиясын өндүрүп жатканын белгиледи. Келечекте ишкананын кубаттуулугун жогорулатуу пландалууда.
Депутат Санталат Аманова калдыктарды кайра иштетүү жана жашыл технологиялар боюнча адистерди даярдоо үчүн өлкөнүн жогорку окуу жайлары менен кызматташтыкты орнотууну сунуштады.
Депутат Бурун Аманова Кыргызстандын жарандарын заводдо жумушка орноштуруу процессин, эмгек шарттарын жана айлык акы деңгээлин кызыктырды.
Депутат Абдылдабек Эгембердиев Чүй облусунун чет жактарынан калдыктарды заводго ташуу мүмкүнчүлүктөрүн карап чыгууну сунуштады.
