Переговорлордун жүрүшүндө конструктивдүү диалог болуп, эки тарап кыргыз-герман экономикалык кызматташтыгынын негизги потенциалдык тармактарын талкуулашты. Соода өнүгүүсү, инвестиция тартуу, жаштарды даярдоо жана окутуу, ошондой эле жашыл экономика принциптерин илгерилетүүгө көңүл бурулду.
Тараптар кызматташтыкты кеңейтүү жана биргелешкен долбоорлорду ишке ашыруу боюнча өз ара кызыгуусун билдиришти. Жолугушуу ишенимдүү жана натыйжалуу атмосферада өттү, бул Кыргыз Республикасы менен Германия Федеративдик Республикасы ортосундагы эки тараптуу мамилелерди бекемдөөгө даярдыгын тастыктады.
