Визит учурунда министр учурдагы курулуш иштерине таанышты. Учурда реабилитациялык борбордун административдик имаратында казуу иштерин аяктоо жана фундаментти куюу иштери бүткөрүлдү. Ошондой эле корукта фундаментти куюу процессинин аяктагандыгы жана дубалдарды куруу башталгандыгы маалымдалды. Бул долбоордун алкагында «Ак-Илбирс» биологиялык ар түрдүүлүктү сактоо боюнча илимий борборду түзүү пландалууда.
«Бул курулуш корук кызматкерлеринин эмгек шарттарын жакшыртууга, илимий изилдөөлөрдү жүргүзүүгө, табигый мурастарды коргоого жана сейрек жана коркунучтуу жапайы жаныбарлардын түрлөрүн калыбына келтирүүгө колдоо көрсөтүүгө багытталган. Жаңы комплекс региондун уникалдуу табиятын сактоого, экотуризмди өнүктүрүүгө жана табигатты коргоо ишмердүүлүгүн күчөтүүгө жардам берет», - деп белгилешти ведомстводо.
