Бул тууралуу президенттин өкүлчүлүгүнүн басма сөз кызматы билдирет.
Анын маалыматына ылайык, биринчи кезекте ыйгарым укуктуу өкүл Абдулла Тангатаров атындагы №14 жалпы билим берүү интернаттык мектебин зыярат кылып, бүтүрүүчү класстын окуучулары менен жолугушту. Жолугушуу учурунда окуучулар өздөрүн кызыктырган суроолорду беришип, ачык пикир алмашуу болду.
Облус башчысы билим берүүнүн сапатын жогорулатуу мамлекеттик саясаттын приоритеттүү багыттарынын бири экенин белгилеп, бул багытта тиешелүү иштер жүргүзүлүп жатканын айтты.
Андан кийин Кенжебаев «Аалам» эл аралык жеке интернаттык мектебин зыярат кылды. Ал жерде окуу жайдын материалдык-техникалык базасы, окуу процесси жана окуучулар үчүн түзүлгөн шарттар менен таанышып чыкты.
Иш сапардын жыйынтыгы боюнча билим берүү тармагын өнүктүрүү багытында иштер улантылары маалымдалды.
