Ачылыш аземине: Иссык-Куль облусундагы президенттин ыйгарым укуктуу өкүлү Бакытбек Джетигенов, Өзгөчө кырдаалдар министрлигинин орун басары Акылбек Мазарипов, Дүйнөлүк банк өкүлү Т.Жунушева, ошондой эле Тюп райондук мамлекеттик администрациясынын башчысы Тимур Мадяров, жергиликтүү тургундар жана билим берүү тармагынын өкүлдөрү катышты.
Мектептин курулушу 2022-жылы башталган, ал эми долбоордун жалпы баасы 151 миллион 101 миң сомду түздү.
Учурда мектепте 25 мугалим иштесе, окуучулардын саны 333 адамды түзөт. Иш-чара учурунда коноктор айылдын тургундарын жаңы окуу жайы менен куттукташып, ал окуучуларга сапаттуу билим алуу үчүн мыкты шарттарды камсыздай турганын белгилешти.
