Иш-чарага борбордун вице-мэри Виктория Мозгачева, Билим берүү департаментинин директору Рахат Мусаева, ошондой эле прокуратура жана наркотиктердин мыйзамсыз жүгүртүүсүнө каршы күрөшүү кызматынын өкүлдөрү катышты.
Жыйындын катышуучулары ГУВДнын кырдаалдык борборун зыярат кылып, аларга 24 сааттык видеонаблюдение системасынын иштешин көрсөтүштү. Ата-энелер жана мектеп директорлору борбордун коомдук коопсуздукту камсыздоо жана жашы жете элек балдарды коргоо боюнча мүмкүнчүлүктөрү менен таанышышты.
Коомдук коопсуздук органдары өспүрүмдөр менен алдын алуу иштерин, мыйзам бузуулардын алдын алуу чараларын жана наркотиктердин мыйзамсыз жүгүртүүсүнө каршы күрөшүүнү айтып беришти. Ошондой эле, окуучулар менен профилактикалык сүйлөшүүлөр үчүн колдонулган видеоматериалдар көрсөтүлдү.
№89 мектебинин психологу өспүрүм курактагы тобокелдиктер жана билим берүү чөйрөсүндө окуучулар менен эффективдүү өз ара аракеттенүү ыкмалары тууралуу маалымат менен бөлүштү. Жыйындын жүрүшүндө ата-энелер суроолорду берип, жоопторду алышты.
Мэрияда мындай иш-чаралар жергиликтүү өз алдынча башкаруу, укук коргоо органдары жана ата-энелер коомчулугунун жаштар арасында мыйзам бузуулардын алдын алуу маселелеринде күчтөрдү бириктирүүгө жардам берерин белгилешти. Бул багытта жумуш системалуу түрдө улантылат.
