Курулуш министрлигинин маалыматына ылайык, долбоор мамлекеттик бюджеттин эсебинен каржыланууда, жалпы баасы 127 миллион сомду түзөт.
Курулуш иштери 2022-жылдын декабрь айында башталган, учурда пландалган иштердин болжол менен 90%ы аткарылды.
Жаңы мектепте заманбап окуу класстары, спорт зал, компьютердик кабинет, китепкана жана эмгек билим берүү үчүн атайын жайлар түзүлөт. Эки кабаттан турган имараттын жалпы аянты 2297 квадрат метрди түзөт.
Окуу жайы ачылгандан кийин 750 окуучуга чейин билим алуу үчүн шарттар түзүлөт.
