Жыйында бир нече объектилерди ижарага берүү үчүн конкурс жана аукцион өткөрүү чечими кабыл алынды.
Атап айтканда, конкурс үчүн төмөнкү төрт объект коюлмакчы:
- «Татин» имараты (Гвардейская көч., №54).
- Автомобиль мектебинин имараты (Оборонная көч., №1).
- «Абай» гуманитардык-экономикалык колледжинин имараты (Коммунистическая көч., №1A).
- «Баня» объектиси (Мира көч., №20).
Мындан тышкары, «Кербен» базарында жайгашкан 36 контейнер аукционго коюлат. Объектилердин ижарасы 5 жылга жүргүзүлөт, ал эми баня үчүн ижара мөөнөтү жаңы курулуш мүмкүнчүлүгүн эске алуу менен 10 жылды түзөт. Ижарачылар өз эсебинен реконструкция жана оңдоп-түзөө иштерин жүргүзүүгө, ошондой эле жумушчу орундарын түзүүгө жана чектеш аймакты көрктөндүрүүгө милдеттүү.
