Ош шаарында, Толойкон айыл өкмөтүндө, Г. Айтиева атындагы №37 орто мектептин жаңы корпусунун капсуласы салынды. Бул долбоор 225 кошумча окуу орундарын түзүүнү көздөйт.
Шаардык мэриянын маалымат кызматынын маалыматына ылайык, иш-чарада Ош шаарынын мэри Женишбек Токторбаев, Жогорку Кеңештин депутаты Алтынбек Кудайбердиев, Ош шаардык кеңешинин төрагасы Болот Баетов, ошондой эле билим берүү мекемелеринин өкүлдөрү жана жергиликтүү тургундар катышты.
Мэр өз сөзүндө жаңы корпусунун максаты — билим берүү процессинин сапатын жакшыртуу жана балдар үчүн коопсуз, заманбап атмосфера түзүү экенин белгиледи. Ошондой эле курулушту белгиленген мөөнөттө аяктоонун маанилүүлүгүнө көңүл бурду.
Кошумча корпус курулуп бүткөндөн кийин мектепте окуу орундардын жетишсиздиги кыйла азаят, ал эми окуучулар үчүн ыңгайлуу жана кең шарттар түзүлөт.
«Курулуш иштери график боюнча жүргүзүлөт. Долбоордун аякташы келерки жылдын сентябрына пландалган», - деп билдиришти.
