Курулуштун демилгечиси ички иштер министри, милициянын генерал-лейтенанты Улан Ниязбеков болду. Иш-чарада Ысык-Көл облусунун ички иштер башкармалыгынын начальниги, милициянын генерал-майору Мурат Боронов, Тон районунун прокурору, жергиликтүү бийлик өкүлдөрү, ички иштер органдарынын ардагерлери жана айылдардын тургундары катышты.
Бул жаңы имараттар акыркы жылдарда облус боюнча ачылган 11- жана 12-объекттер болуп калды. Региондо милиция үчүн болжол менен 40 заманбап имарат куруу пландаштырылган, алардын бешөө жакын арада ачылат.
Жаңы участкалык пункттар толугу менен заманбап стандарттарга жооп берет:
- кызматкерлердин ыңгайлуу иштөөсү үчүн бардык керектүү жабдуулар менен жабдылган;
- кызматтык жашоо жайлары каралган;
- калкты сапаттуу тейлөө, коомдук тартипти сактоо жана кылмыштуулукка каршы натыйжалуу күрөшүү үчүн шарттар түзүлгөн.
