2023-жылдын 26-февралына, 09:15те, өлкөнүн бардык ашууларында кыймыл мүмкүн болду, жолдор унаалар үчүн ачылды.
Кыргыз Республикасынын Транспорт жана байланыш министрлигинин маалымат кызматы тарабынан берилген маалыматка ылайык, министрликке караштуу жол курулуш ишканалары жолдорду инерттик материалдар менен чачып, тазалоо иштерин активдүү жүргүзүүдө. Бардык иштер кадимки режимде жүргүзүлүүдө.
Министрлик айдоочуларга жол кыймылынын эрежелерин так сактоону, каршы тилкеге чыгууга жол бербөөнү жана аба ырайынын начарлашы учурунда керектүү шаймандарды жана жабдууларды өздөрү менен алып жүрүүнү катуу сунуштайт.
