Бишкек мэриясы сегиз автобус маршруту боюнча убактылуу өзгөртүүлөрдү жарыялады. Бул Дэн Сяопин проспектинин түштүк тарабын оңдоо иштерин жүргүзүү үчүн жабуу менен байланыштуу.
Атап айтканда, №17, №32, №42, №145, №212, №215, №254 жана №14т маршруттары убактылуу Профсоюзная көчөсү боюнча жүрөт.
Оңдоо Дэн Сяопин проспектиндеги Интергельпо көчөсүнөн Кайназаров көчөсүнө чейинки бөлүктү камтыйт. Иштер суу түтүктөрүн алмаштыруунун зарылдыгына байланыштуу пландалган убакыттан мурда башталды.
Мындан тышкары, бул бөлүктө жолдун кеңейтилүүсү, бордюрларды жаңылоосу жана жаңы асфальт төшөө иштери жүргүзүлөт.
Схема
