2-мартта Кыргыз Республикасынын президентинин алдындагы Улуттук илимдер академиясында илимий мекемелердин жетекчилери үчүн окуу курсу аяктады. Бул иш-чара президенттин администрациясынын демилгеси менен уюштурулду.
Президенттин басма сөз кызматынын маалыматына ылайык, курс «Улуттук рух – дүйнөлүк бийиктиктер» Доктринасын киргизүү боюнча жарлыкты ишке ашыруу алкагында иштелип чыккан.
Аяктоо иш-чарасына Кыргыз Республикасынын мамлекеттик катчысы Арслан Койчиев катышты. Ал Доктринанын мазмунун жана анын билим берүү тармагына кошкон салымын баалап, курс катышуучуларына сертификаттарды тапшырды.
Эми окуудан өткөн жетекчилер алган билимдерин өз иштеринде колдонуп, Доктринанын принциптерин кесиптештерине жана кеңири коомчулукка түшүндүрүп, жаштар арасында улуттук өзүн-өзү сезүүнүн өнүгүшүнө жана өлкөнүн маданий мурасын сактоого көмөктөшө алышат.
