1-марттан баштап Габриэла Попеску Microsoftтин Румыния, Молдова жана Борбордук Азиядагы жетекчиси катары милдеттерин аткарууга киришти, бул тууралуу компаниянын басма сөз кызматы билдирди.
Попеску укук, бизнес жана технологиялар чегинде кеңири тажрыйбага ээ.
«Ал коммерциялык жана нормативдик аспекттерди, мыйзамдарды сактоону жана Борбордук жана Чыгыш Европа боюнча негизги өнөктөштөр менен ишенимдүү мамилелерди түзүүнү жакшы билет. Ал 2017-жылдан бери "Microsoft Румыния" компаниясында иштейт. Соңку жылдары ал убактылуу генеральдык директордун милдетин аткарып, Борбордук Европа боюнча корпоративдик, тышкы жана юридикалык маселелерди көзөмөлдөп, компаниянын ушул региондогу стратегиялык демилгелерин колдоп келген», — деп белгиленди расмий билдирүүдө.
Габриэла ошондой эле Microsoft таланттуу адистерди жана амбициялуу санариптик долбоорлорду бириктирерин баса белгиледи.
«Мен жаңы ролумда кардарлар, өнөктөштөр жана мамлекеттик мекемелер менен активдүү өз ара аракеттенүүнү пландаштыруудамын, бултехнологияларды жана жасалма интеллектке негизделген чечимдерди натыйжалуу колдонуп, чыныгы баалуулуктарды түзүү, туруктуулукту жогорулатуу жана узак мөөнөттүү экономикалык өнүгүүгө көмөктөшүү үчүн», — деп кошумчалады ал.
