Бул долбоорду ишке ашырууга болжол менен 85 миллион сом сарпталат деп күтүлүүдө.
«Нур» фермердик чарбасы бул курулуштун инициатору болуп саналат.
Кызыл-Киянын мэри Алтынбек Бектуровдун билдирүүсүнө караганда, бул долбоордун негизги максаты региондо тукумдук мал чарбасын өнүктүрүү жана жергиликтүү тургундарды сапаттуу жана жеткиликтүү эт менен камсыздоо.
«Мамлекет тукумдук чарбаларды колдоого басым жасап жатат. Бул ферманын курулушу үчүн 1 гектар 75 соток муниципалдык жер бөлүнгөн», — деп белгиледи ал.
Эгер долбоор ийгиликтүү ишке ашырылса, Министрлер Кабинетинин №309 токтомуна ылайык, азык-түлүк менен камсыздоо үчүн мамлекеттик фонддон кошумча жерлер бөлүнөт. Курулуш аяктагандан кийин фермердик чарба тукумдук ири мүйүздүү малды Россияга жана Европа өлкөлөрүнө экспорттоону пландаштырууда. Негизги максат — региондо эт-сүт багытындагы тукумдук малды жайылтуу аркылуу азык-түлүк коопсуздугун камсыздоо», - деп кошумчалады мэр.
