

Ош шаарында мэр Жеңишбек Токторбаев бүгүн Жаңы жылдык каалоолорун жөнөткөн балдар менен жолугушту.
Мэриянын маалыматына ылайык, жети кичинекей шаар тургуну шаар башчысына кат жазып, өз кыялы жана өтүнүчтөрүн билдиришкен. Бул боюнча мэр аларды өзүнө чакырып, салтанаттуу атмосферада ар бирине планшет жана таттууларды тапшырды.
Мындай иш-чаралар балдарды колдоо жана алар үчүн Жаңы жылдык маанай түзүүгө багытталган.