Кармалган адам алдамчылыкка байланыштуу кеминде алты окуяга катыштыгы бар экени аныкталды.
Бишкекте унаа айдоочулук күбөлүгүн алууга жардам берүүгө убада берген алдамчылыкка шектелген адам кармалды. Бул тууралуу борбордун Ички иштер башкармалыгынан маалымат алынды.
2025-жылдын 25-декабрында О.У. аттуу жаран укук коргоо органдарына кайрылган. Ал 2025-жылдын 11-декабрында Көк-Жар турак жай массивинде ага А.К. аттуу аз таныш жаш жигит келип, унаа айдоочулук күбөлүгүн алууга жардам берүүгө убада берип, 120 миң сом акчасын алып кеткенин айтып берди.
Учурда алдамчы өз убадаларын аткарган жок жана акчаны кайтарган жок.
Бул факт боюнча Кыргыз Республикасынын Кылмыш кодексинин 209-беренеси "Алдамчылык" боюнча кылмыш иши козголду.
Оперативдик иш-чаралардын натыйжасында 1998-жылы туулган Б.М. аттуу шектүү кармалды. Ал тергөө органдарына жеткирилип, убактылуу кармоо жайына жайгаштырылды.
Тергөө Б.М. алдамчылыкка байланыштуу кеминде алты окуяга катыштыгын тастыктады.
