Жолугушуунун жүрүшүндө билим берүү, спорт, шаардык инфраструктураны жакшыртуу жана инвестицияларды кеңейтүү боюнча темалар талкууланды.
Мэр шаар британдык UK Export Finance агенттиги менен активдүү кызматташууга кызыкдар экенин белгиледи. Ал Ош шаарынын айланасында заманбап айланма жол куруу долбоорун аталган уюмдун финансылык колдоосу менен ишке ашырууну сунуштады.
Анын айтымында, бул долбоор транспорт агымдарын натыйжалуу уюштурууга, тыгындарды кыскартууга, транзиттик транспортту шаардан тышкары бурууга жана жол кыймылынын коопсуздугун кыйла жогорулатууга мүмкүндүк берет.
Жолугушуунун жүрүшүндө тараптар Ош менен Улуу Британиянын ортосундагы өнөктөштүктү чыңдоого болгон кызыгууларын растады жана экономика, инвестициялар жана инфраструктура сыяктуу тармактарда келечектеги биргелешкен долбоорлорду талкуулашты.
