Тышкы иштер министрлигинин маалымат борбору билдиргендей, талкуу эки тараптуу маселелердин кеңири спектрин камтыды. Негизги көңүл төмөнкү тармактардагы биргелешкен долбоорлорго бурулду:
- соода жана экономика;
- инвестициялык ишмердик;
- кен-байытуучу өнөр жай;
- транспорт кызматтары.
Атап айтканда, жыйындын катышуучулары британдык экспорттук-кредиттик агенттик UKEF аркылуу кызматташуу мүмкүнчүлүктөрүн карашты.
Кыргызстан жана Улуу Британия активдүү саясий диалогду улантууга ниеттеништи. Ошондой эле Медер Абакиров менен Николас Боулер эки өлкө ортосундагы өнөктөштүктү бекемдөө үчүн өз ара жогорку деңгээлдеги визиттерди уюштуруунун зарылдыгына макулдашышты.
