Маданият министрлигинин маалымат кызматынан алынган маалыматка ылайык, жолугушууда Кыргызстандагы медиа тармагынын абаласын талдоо жана пикирлердин эркиндиги менен билдирүү эркиндигине байланыштуу маселелерге көңүл бурулду.
Министр Кыргызстан сөз эркиндиги боюнча эл аралык стандарттарга берилгенин баса белгилеп, маалыматты таратуудагы жоопкерчилик менен басма сөз эркиндиги ортосундагы тең салмакты сактоонун маанилүүлүгүн белгиледи.
Ошондой эле, цифралдык трансформация, дезинформацияга каршы күрөшүү жана кесиптик стандарттарды жогорулатуу, медиа сабаттуулукту арттыруу боюнча темалар талкууланды.
Журналисттердин коопсуздугу, мыйзам чыгаруу демилгелери жана ОБСЕ менен практикалык кызматташууну өнүктүрүү, эксперттерди колдоо, окутуу жана мыкты тажрыйбаларды алмашуу маселелерине өзгөчө көңүл бурулду.
