КР Жогорку сотунун маалымат кызматынан билдиришкендей, жыйында отурум залдарында аудио жана видео жазууларды киргизүүгө негизги көңүл бурулду.
Сот отурумдары үчүн арналган 193 залдан 157си жазуу үчүн зарыл болгон системалар менен жабдылган, ал эми 40 залда бул системаларды орнотуу акыркы стадияда. Кээ бир жайларда жазуу жабдуулары бузулуп калды, учурда оңдоо үчүн керектүү запчасталарды жеткирүү боюнча сүйлөшүүлөр жүрүп жатат.
Ошондой эле сот аткаруучуларынын материалдык-техникалык камсыздоосу жана физикалык даярдыгы боюнча маселелер көтөрүлдү. КР Жогорку сотунун башчысы бул аспектилердин маанилүүлүгүн белгилеп, көрсөтүлгөн маселелер боюнча сунуштарды мүмкүн болушунча тез даярдоону тапшырды, сот отурумдарында тартипти камсыздоодо жана мажбурлап алып келүүдө сот аткаруучуларынын ролунун маанилүүлүгүнө көңүл бурду.
