Маданият министрлигинин маалымат кызматынан билдиришкендей, эксперттер Кыргызстанда 7-12-январь аралыгында болот, алардын пландарында объекттин буфердик зонасынын чектеринин оптимизациясына жардам берүүчү жаңы номинацияларды иштеп чыгуу жана дүйнөлүк мураска таасирин баалоо маселелери бар.
Эл аралык топтун курамына кирет:
- Дмитрий Воякин — Казакстандын жакшы ниет элчиси, ЮНЕСКО жана ИСЕСКО боюнча Казакстандын Улуттук комиссиясынын мүчөсү, РКнын Маданият министрлигинин MondiaCult 2025 боюнча ыйгарым укуктуу өкүлү жана Лондон Университетинин колледжинин (UCL) «Ортолук Азия археологиялык ландшафттары» (CAAL) долбоорунун координатору;
- Кая Вайзе — Непалдын ICOMOS уюмунун мурдагы президенти, учурда Азия-Тынч океан аймагы боюнча ICOMOS Регионалдык тармагынын координатору;
- Наргиз Айтуганова — маданий дүйнөлүк мурас боюнча изилдөөчү.
Жолугушуунун жүрүшүндө «Сулайман-Тоо» объектинин сакталуусу, ЮНЕСКОнун талаптары жана сунуштарынын аткарылышы, ошондой эле жаңыланган номинацияны даярдоо жана макулдашуу боюнча кийинки кадамдар талкууланды.
