Жиддадагы жолугушуу учурунда Кыргызстандын футбол ассоциациясынын президенти Камчыбек Ташиев жана Сауд Аравиясынын коллегасы Ясер Аль-Мисехал футбол инфраструктурасын өнүктүрүү жана эки өлкө ортосундагы кызматташтыкты күчөтүү боюнча меморандумга кол коюшту.
Бул документтин негизги максаты Кыргызстандагы футбол чеберчилигинин деңгээлин жакшыртуу жана улуттук курама командалардын натыйжалуулугун жогорулатуу болуп саналат. Меморандумдун алкагында 2026–2027-жылдар аралыгында аялдар жана жаштар курама командалары үчүн достук оюндарын өткөрүү пландалууда.
Тараптар тренерлерди даярдоо, алардын кесиптик жөндөмдөрүн жогорулатуу, спорттук маалыматтарды алмашуу жана футбол тармагында башкарууну жакшыртуу боюнча биргелешкен аракеттерди макулдашты.
