Меморандум КФСтин президенти Камчыбек Ташиев жана анын саудиялык кесиптеши Ясер Аль-Мисехал тарабынан кол коюлду.
Бул келишимдин максаты — Кыргызстандагы футбол инфраструктурасын өнүктүрүү, эл аралык стандарттарды киргизүү жана улуттук курама командалардын деңгээлин жогорулатуу. Келишимдин алкагында 2026-2027-жылдар аралыгында эки өлкөнүн аялдар жана жаштар командалары арасында достук оюндарын уюштуруу пландалууда.
Тараптар ошондой эле спорттук маалымат алмашуу, футболду башкарууну жакшыртуу, судьялык системаны өнүктүрүү, машыктыруучуларды даярдоо жана техникалык прогрессти камсыз кылуу, ошондой эле ар кандай мелдештерди уюштуруу жана өткөрүү боюнча биргелешкен аракеттерди талкуулашты.
Камчыбек Ташиев учурда Саудия Аравиясында расмий сапарда болуп, Жиддада өтүп жаткан U-23 Азия Кубогунун оюндарын көрүүдө экенин белгилеп өтүү керек.
