Кийинки оюн 9-январда Вьетнамга каршы өтөт
Жиддада Абдулла Аль-Файсал атындагы стадиондо Кыргызстандын командасынын U-23 Азия Кубогундагы биринчи оюну өттү, анда алар турнирдин ээси — Сауд Аравиясынын командасы менен беттешти.
Эскерте кетсек, кыргызстандык команда «А» тобунда Иордания жана Вьетнам командалары менен бирге ойнойт.
Оюн катаал атмосферада өттү. 34-минутта судья Арсен Шершенбековго кызыл карточка көрсөттү, бул Кыргызстандын командасын азчылыкта калтырды. Биринчи тайм голсуз аяктады — 0:0.
77-минутта башкы судья Кыргызстандын командасынын дарбазасына пенальти белгиледи, бирок дарбазачы Курманбек Нурланбеков мыкты реакция көрсөтүп, соккуну токтотту. Тилекке каршы, 88-минутта атаандаш ийгиликтүү чабуул жасап, эсепти ачты — 1:0. Кыргыз футболчуларынын аракеттерине карабастан, алар эсепти теңестире алышкан жок, оюн Сауд Аравиясынын жеңиши менен аяктады.
Ошентип, беттеш 1:0 эсебинде турнирдин ээсинин пайдасына аяктады.
Сүрөт www
