Жыйында 2025-жылы Кыргызстандын ОДКБдагы төрагалыгынын жыйынтыктары жана бул уюмдун алкагында көп тараптуу өз ара аракеттешүүнү күчөтүүнүн жолдору талкууланды.
Мындан тышкары, жыйындын катышуучулары 2024-жылдын 19-сентябрындагы өлкө президентинин № 268 буйругунун миграциялык процесстерди оптимизациялоого байланыштуу аткарылышын карашты. Миграциялык агымды жөнгө салуу жана Кыргыз Республикасында чет өлкөлүк жарандардын жана жарандыгы жок адамдардын убактылуу жашоосун легалдаштыруу боюнча конкреттүү чаралар жана жаңы мыйзамдык демилгелер тууралуу маалымат берилди.
Жыйынды жыйынтыктап, министр Кулубаев Кыргызстандын регионалдык кызматташтык контекстиндеги тышкы саясат курсун жакшыртууга жана улуттук кызыкчылыктарды эске алуу менен миграциялык процесстерди өнүктүрүүгө багытталган бир катар сунуштарды билдирди.
