Бүгүн Кыргызстандын тышкы иштер министри Жээнбек Кулубаев менен анын белорусьтик кесиптеши Максим Рыженковдун ортосунда телефон аркылуу сүйлөшүү болду.
Кыргызстандын тышкы иштер министрлигинин маалымат кызматынан билдиришкендей, сүйлөшүүнүн жүрүшүндө кыргыз-белорусь мамилелеринин маанилүү аспекттери талкууланды. Айрыкча, министрлер жогорку деңгээлдеги жакынкы жолугушууларды, анын ичинде тышкы иштер министрликтеринин аркылуу уюштурулуучу визиттердин графигин талкуулашты.
Бишкекте өтө турган ШОС мамлекеттеринин башчыларынын кеңешинин жакынкы жыйынына даярдык алкагында күн тартибин жана бул уюмдагы өз ара аракеттенүү маселелери боюнча пикир алмашуу болду.
Сүйлөшүүнүн аягында министрлер келе жаткан Жаңы жыл менен байланыштуу жылуу куттуктоолор менен алмашышты.
