Ведомствонун маалымат кызматынын маалыматы боюнча, долбоорлорду ишке ашырууну министр өзү жакындан көзөмөлдөп жатат.
«Ключтук объекттердин бири - 750 орундуу жаңы мектеп, ал борбордун түштүк бөлүгүндө, Токомбаев көчөсүндө, 15/8а дарегинде курулууда. Долбоордо үч кабаттуу имарат каралган, ал окуучулар жана мугалимдер үчүн заманбап шарттарды камсыздайт. Азыркы учурда курулуш аянтчасында активдүү жер казуу иштерин жүргүзүүдө. Нурдан Орунтаев аткарылып жаткан иштердин сапатына көңүл бурду жана курулуш темпин тездетүү үчүн бир нече көрсөтмөлөрдү берди. Ал жаңы билим берүү мекемелерин убагында пайдаланууга берүү маанилүүлүгүн белгиледи», — деп айтылат маалыматта.
Ошондой эле, президент Садыр Жапаровдун демилгеси менен 2026-жылы Бишкекте республикалык бюджеттин эсебинен 20 жаңы мектеп куруу пландалууда экенин эске алуу керек.
