Иссык-Куль облусуна болгон жумушчу сапарынын алкагында премьер-министр Адылбек Касымалиев Каракол шаарындагы облустук оорукананын жаш медиктерине турак-жай берүү боюнча тапшырма берди.
Сапарынын учурунда ал жергиликтүү бириктирилген оорукананы да карап чыгып, реанимация жана хирургия бөлүмдөрүнүн абалы менен таанышып, жабдууларды жана бейтаптардын дарылануу шарттарын баалады. Мындан тышкары, ал 350 орунга ылайыкташкан жаңы оорукананын имаратынын курулушунун жүрүшүн текшерди.
Ошондой эле, премьер-министр медициналык кызматкерлер үчүн кызматтык турак жай куруу маселесин иштеп чыгууну жана мамлекеттик ипотекалык программа алкагында жаш дарыгерлерге батирлер бөлүп берүүнү тапшырды.
