Сунуштардын арасында 2022-жылдын 4-мартындагы № 111 токтомго өзгөртүүлөрдү киргизүү, Кыргыз Республикасындагы телеканалдардын социалдык пакетин бекитүү сунушталууда. Атап айтканда, документтин биринчи пунктун жокко чыгаруу жана пакетти түзүү Антимонополияны жөнгө салуу кызматы тарабынан маалымат тармагындагы ыйгарым укуктуу мамлекеттик орган менен кызматташтыкта жүргүзүлөрүн тактоо сунушталууда.
Ошондой эле өзгөртүүлөр 2014-жылдын 23-июнундагы № 349 өкмөттүн токтомуна да тиешелүү, ал телеканалдардын жана/же радиоканалдардын социалдык пакетин түзүү тартибин жөнгө салат. Жаңы долбоордун алкагында спорттук каналдар тууралуу маалыматтарды алып салуу, жеке теле- жана радиокомпанияларды пакетке кошуу үчүн конкурсту жокко чыгаруу, ошондой эле ыйгарым укуктуу органга каналдарды конкурс өткөрбөй кошуу укугун берүү сунушталууда.
Мындан тышкары, телеканалдардын арыздарын карап чыгуу мөөнөттөрү жана тартиби менен байланышкан бир катар нормаларды да күчүн жоготкон деп таануу сунушталууда.
Бул долбоордун максаты жарандардын маалыматка жетүүсүн камсыздоо болуп саналат жана ал белгиленген тартипте талкууга коюлган.
