Бүгүнкү Жогорку Кенештин жыйынында депутат Бурун Аманова тротуарларда жөө адамдарды сүзүп жаткан электросамокаттардын санынын өсүшү тууралуу маселе көтөрдү. Ал башка көптөгөн өлкөлөрдө самокаттарды колдонуу толугу менен тыюу салынганын же катуу чектелгенин белгилеп, Кыргызстанда алардын пайдаланылышы үчүн катуу эрежелер киргизүү пландалып жатабы деп кызыкты.
Бул боюнча ички иштер министринин орун басары Октябрь Урмамбетов электросамокаттар жана мопеддердин кыймылын жөнгө салуу боюнча учурдагы аракеттер тууралуу маалымат берди.
Ал мыйзамдарга зарыл өзгөртүүлөр киргизилгенден кийин мэрия самокаттарды каттоого алуу укугуна ээ болорун, бул болсо шаардык бийликтин атайын инфраструктура түзүүгө кызыгуусун арттырарын кошумчалады. Ошондой эле Бишкекте самокаттар үчүн өзүнчө жолдор каралганын белгиледи.
