Коргоо министрлигинин басма сөз кызматы тарабынан берилген маалыматка ылайык, салтанатка коргоо министринин орун басары полковник Алмазбек Кулмурзаев жана Улуу Ата мекендик согуштун майданынан кайтып келбегендердин туугандары катышты.
Иш-чаранын жүрүшүндө согуш жылдарында дайынсыз жоголгон жоокерлерге байланыштуу архивдик документтер алардын жакындарына тапшырылды. Бул документтер Коргоо министрлигинин тапшырмасы боюнча аскер лицейинин кызматкерлеринин жүргүзгөн санариптештирүү ишинин натыйжасы болуп саналат, Россиянын Борбордук архивинен алынган материалдар негизинде даярдалган.
Ленинград блокадасы 1943-жылдын 18-январында алынган, бирок 1944-жылдын 27-январында шаар толук бошотулган белгилүү күн болуп калды. Блокада учурунда Ленинграддын 16 миңден ашык тургуну Кыргызстанга эвакуацияланган, алардын арасында 3,5 миңдей бала болгон.
Эвакуацияланган балдарга кам көрүүгө катышкан адамдардын бири кыргызстандык Токтогон Алтыбасарова болуп, ал 150 бала тарбиялаган.
