«Нелегал» профилактикалык акциясынын алкагында Экстремизмге каршы күрөшүү жана мыйзамсыз миграция менен күрөшүү кызматынын кызматкерлери чет элдиктер менен сүйлөшүүлөрдү өткөрүп, Кыргызстан мыйзамдарын сактоого чакырышат.
Бул иш-чаралардын жүрүшүндө милиция кызматкерлери паспортту гана эмес, ошондой эле башка жеке инсандыгын тастыктаган документтерди, жумушчу же окуу визасын жана миграциялык каттоонун маалыматын алып жүрүүнү сунушташат.
Мындан тышкары, укук коргоо органдарынын өкүлдөрү чакыруу берген тараптар, мисалы, жумуш берүүчүлөр жана окуу жайлары чет элдик жарандардын документтерин алып коюуга укугу жок экенин баса белгилешет.
