Кыздын атасы Б. Р. милицияга анын издөөгө жардам берүүнү суранып кайрылган. Анын айтымында, Керемет 1-январда, таңкы саат 07:00 чамасында Ак-Ордо конушундагы Беш-Таш көчөсүндө жайгашкан үйүнөн чыгып кеткен жана ошол убактан бери кайра келген эмес.
Учурда Кереметтин кайда экендиги белгисиз. Жоголуу тууралуу маалымат Ленин районунун Ички иштер башкармалыгынын автоматташтырылган маалымат системасында катталган.
Кыздын бою 150–155 см жана орто дене түзүлүшүндө.
Жоголгон күнү ал күрөң дубленка жана кара шым кийип жүргөн.
Милиция кызматкерлери Керемет Сагыналиеванын кайда экендиги тууралуу кандайдыр бир маалыматка ээ болгон бардык адамдардан Ленин районунун Ички иштер башкармалыгына төмөнкү телефон номерлери аркылуу билдирүүнү суранышат: 0 (312) 35-29-47, 0 (312) 35-12-70, 0 (705) 307-703.
