Бул конкурстун негизги максаты иликтөөчү журналистиканы өнүктүрүү, жаңы авторлорду бул багытка тартуу, ошондой эле коррупция жана мыйзам бузуу учурларын аныктоо.
Конкурска журналисттерден, блогерлерден, студенттерден, жарандык активисттерден жана медиа уюмдардан иштери кабыл алынат. Материалдарды баалоо актуалдуулук жана теманын масштабын, оригиналдуулук, толук ачылыш, далилдердин базасынын болушу, маалыматтын эксклюзивдүүлүгү, мультимедиялык элементтер, ошондой эле кесиптик жана этикалык нормалардын сакталуусу сыяктуу критерийлер боюнча жүргүзүлөт.
Эң мыкты иликтөө Уланбек Эгизбаевдин атындагы сыйлык менен сыйланат.
Конкурска катышуу үчүн арыздарды [email protected] электрондук дарегине 2026-жылдын 31-январына чейин жөнөтүүгө болот. Автордун аты-жөнү, уюмдун же редакциянын толук аталышы, ошондой эле иштин кыскача сүрөттөлүшү көрсөтүлүшү керек. Белгиленген мөөнөттөн кийин келген арыздар каралбайт.
2025-жылдын 1-январынан 31-декабрына чейин жарыяланган материалдар кабыл алынат. Бир катышуучу каалагандай көп ишти сунуштай алат, бирок жарыяланбаган материалдар конкурска кабыл алынбайт.
Архивден алынган сүрөт. Уланбек Эгизбаев
Уланбек Эгизбаев белгилүү кыргызстандык журналист-иликтөөчү болгон.
Ал 2018-жылдын июль айында Ысык-Көлдө көз жумган, соттук-медициналык экспертизанын жыйынтыктарына ылайык, анын өлүмүнүн себеби чөгүп кетүү болуп саналат.
Журналисттин өлүмү коомчулукта чоң резонанс жаратты. 2018-жылы ага журналистикадагы эмгеги жана активдүү жарандык позициясы үчүн өлүмдөн кийин «Эрдик» мамлекеттик медалы тапшырылган.
Уланбек Эгизбаевдин урматына Кыргызстандагы мыкты журналисттик иликтөөлөр үчүн сыйлык түзүлгөн.
