Министрликтин пресс-кызматы тарабынан берилген маалыматка ылайык, Надырбеков жумушчу сапарынын алкагында төмөнкү мекемелерди зыярат кылды:
- Токтогул Сатылганов атындагы Улуттук филармония;
- Токтоболот Абдумомунов атындагы Кыргыз драма театры;
- Чынгыз Айтматов атындагы Орус драма театры;
- Абдылас Малдыбаев атындагы Улуттук опера жана балет театры.
Вице-министр бул маданий объектилердин абалына, материалдык-техникалык камсыздоосуна, сахна жабдууларынын болушуна жана эмгек шарттарына көңүл бурду. Ошондой эле, ал жамааттардын туш болгон актуалдуу көйгөйлөрү, инфраструктуралык муктаждыктары жана келечектеги өнүгүү мүмкүнчүлүктөрү менен таанышып чыкты.
Визиттин жыйынтыгы боюнча Надырбеков маданий мекемелердин жетекчилерине бир катар сунуштарды берди жана бул тармакта иштин натыйжалуулугун жогорулатуу, материалдык-техникалык базаны бекемдөө жана чыгармачыл башталыштарды колдоо маанилүүлүгүн белгиледи.
